Северина прогласена за виновна, може да оди во затвор!

Хрватската пејачка Северина Вучковиќ денеска пред судот во Загреб е прогласена за виновна за навреда на социјалните работници, јавува 24сата.хр.

Северина е казнета по член 17

„Тој што омаловажува или навредува државни органи, односно службени лица при вршење или во врска со извршување на нивните должности или нивните законски наредби, ќе се казни за прекршокот со парична казна во износ од 20 до 100 евра или затворска казна до 30 дена“.

Според обвинението, Северина на 14 февруари минатата година го навредувала социјалниот работник на „Центарот за социјална работа Максимир“, а Центарот за социјална работа поднесе пријава за нарушување на јавниот ред и мир до полициската управа во Загреб за навреда и омаловажување на официјално лице.

Како што се наведува во извештајот, Вучковиќ се јавила во Центарот за социјална работа и „вербално и агресивно се однесувала кон социјалниот работник во случајот“.

Според сведочењето на социјалната работничка, Северина не бирала зборови во разговорот со неа.

Социјалната работничка тогаш изјавила дека се обидела да и објасни на пејачката дека мора да одговорат на секоја пријава во која има сомневања дека е извршено насилство.

Северина продолжила да ги навредува останатите вработени, па социјалниот работник морал да ја пријави поради начинот на комуникација.

– Полициските службеници на полициската управа во Загреб ја завршија кривичната истрага против 50-годишната жена поради сомнение дека сторила прекршок опишан во член 17 од Законот за прекршоци против јавниот ред и мир против вработена во Центарот за социјални работи. Загреб, а обвинението по редовна рута ќе биде поднесено во Општинскиот прекршочен суд Загреб – пишува во полицискиот извештај, пренесува 24сата.хр.