НАЈНОВА ВЕСТ, ПРИСТИГНУВААТ ПРВИ СНИМКИ И ФОТОГРАФИИ: Масакр се случи вечерва во црква на Јеховини сведоци во Германија

Најмалку шест лица загинаа вечерва во престрелка што се случи во црква во Хамбург. Според првичните информации седум лица се тешко повредени, а 18 од нив се здобиле со полесни повреди.

Кобните истрели биле испукани околу 21 часот. Според германските медиуми, крвопролевањето се случило во црквата на Јеховините сведоци на улицата Делбоге.

Сторителот или повеќе од нив побегнале од местото на злосторството. Полицијата повика да се избегнува загрозениот простор.

– Веднаш побарајте засолниште во зградите – се наведува во предупредувањето.

Во овој град владее опсадна состојба, бидејќи напаѓачите се уште се во бегство. Жителите биле предупредени да не ги напуштаат своите домови, а полицијата ја опколила областа околу местото на злосторството. Полицијата повика да се избегнува загрозената област околу Делбоге.

– Веднаш побарајте засолниште во зградите. Користете го телефонот само во екстремни итни случаи за да нема пад на телефонскиот сообраќај – се вели во соопштението на полицијата.

– Во моментов има голема полициска акција во Алстердорф. Ја истражуваме позадината на пукањето и наскоро ќе дадеме повеќе информации – соопшти полицијата.