Кобра влегла во авион, морале принудно да слетаат

Откако пилотот забележал кобра како лази низ пилотската кабина и се крие под неговото седиште, јужноафриканскиот патнички авион принудно слетал на аеродромот во градот Велком.

Пилотот Рудолф Еразмо не ја забележал кобрата се додека авионот со кој летал не бил на надморска височина од три километри. „Искрено, не регистрирав што се случува. Само што почувствував како нешто ладно ја ползи мојата кошула на мојот грб. Мислев дека можеби е вода од шише што не го затворив како што треба, но кога се свртев и погледнав надолу, видов како кобра ползи и исчезнува под седиштето“, изјави Еразмус.

Како што пренесува Би-Би-Си, каснувањето на кобрата е смртоносно, а може да доведе до смрт за само половина час.

„Кога ја видов, тоа беше момент кој влева стравопочит. Се плашев змијата да не отиде назад меѓу патниците бидејќи ќе предизвика паника. Затоа ги известив дека во мојата кабина има змија и дека ќе се обидам да слетам што е можно поскоро. Имаше таква тишина меѓу патниците што можеше да се слушне паѓање на игла“, додаде пилотот.

Тој додаде дека пилотите се обучени за многу непредвидени ситуации, но тоа не вклучува средба со отровни змии во пилотската кабина.

Комесарот за цивилна авијација на Јужна Африка, Попи Кос, рече дека Еразмус покажал „голема вештина што спасила животи“. Сепак, Еразмус истакна дека не се чувствува посебно за она што го направил.

„Тоа е малку претерано“. Моите патници исто така останаа мирни“, рече тој.

Еразмо рече дека змијата била забележана пред полетувањето и дека се обидел да ја најде пред да се качи, но објаснил дека не ја видел, што ги навело него и патниците да претпостават дека си отишла.