Видео од настанот во Крагуевац: Маж со моторна пила упаднал во ноќен клуб во Крагуевац

На социјалните мрежи се појави видео од маж кој со моторна пила упаднал во клуб во Крагуевац. Според порталот „У центар“, инцидентот се случил синоќа.

Засега непознатиот напаѓач, влегол во ноќниот клуб со моторна пила и во оваа прилика предизвикал општа вознемиреност и паника.

На социјалните мрежи се појавија видеа од местото на настанот.

На снимката се слуша како некој вика: „Ало бре?“, „Што е ова!?“.

Според достапните информации, обезбедувањето на клубот го совладало ова лице и успеало да му ја одземе моторната пила и да го отстрани од местото на настанот.

Српските медиуми пренесуваат дека напаѓачот бил видно алкохолизиран.

Линк до видеото